جیسا کہ ہم جانتے ہیں کہ آج کل دنیا جہان کی معلومات ایک چھوٹے سے موبائل فون میں سمٹ گئی ہیں اور ہر انسان اپنی ضرورت اور دلچسپی کے مطابق روزمرہ زندگی میں موبائل فون ایپلیکیشنز سے بھرپور مدد لے رہا ہے۔ آسمانی مشاہدات اور فلکیاتی معلومات حاصل کرنے میں دلچسپی رکھنے والے افراد کے لیے بھی کئی مفید ایپس دستیاب ہیں جو ستاروں، سیاروں اور دیگر آسمانی مظاہر کو دیکھنے اور سمجھنے میں مدد دیتی ہیں۔ ذیل میں فلکیات سے متعلق چند مفید ایپس اور گیمز کی فہرست دی جا رہی ہے جن میں آسمانی مشاہدات اور فلکیاتی واقعات کی معلومات فراہم کرنے والی ایپس، کائنات اور فلکیاتی اجسام کے تھری ڈی نقشے اور ماڈلز دکھانے والی ایپس اور فلکیات سے دلچسپی رکھنے والوں کے لیے معلوماتی و تفریحی گیمز شامل ہیں۔
وہ اینڈرائیڈ ایپس جنہیں بغیر کسی ادائیگی کے مکمل استعمال کیا جا سکتا ہے۔
مکمل مفتعلوم آسٹرا علمِ فلکیات اور اسلامی محاسبات کا ایک جدید، انتہائی دقیق اور مکمل آف لائن اینڈرائیڈ ڈیش بورڈ ہے۔ یہ ایپ دنیا بھر میں آپ کے بالکل درست جغرافیائی مقام کے مطابق سیکنڈ ٹو سیکنڈ اوقاتِ نماز اور قبلہ کی سمت فراہم کرتی ہے۔ علاوہ ازیں، اس میں عالمی سائنسی معیارات کی روشنی میں رؤیتِ ہلال کی پیشگوئی، چاند و سورج کی لائیو حرکات و منازل، اور گرہن کے اوقات کا مکمل سائنسی ریکارڈ بغیر کسی انٹرنیٹ کنکشن کے 100فیصد محفوظ انداز میں دستیاب ہے۔
مکمل مفتسیٹلائٹس، اسپیس اسٹیشن اور دیگر آسمانی مظاہر کی پیش گوئی کرتی ہے۔ یہ مصنوعی سیاروں اور ISS کی درست ٹریجیکٹری، اسٹار چارٹس، اور ایونٹس کی تفصیلات بھی فراہم کرتی ہے۔ لیکن اس کا یوزر انٹرفیس تھوڑا عجیب اور پرانا لگ سکتا ہے اور نوٹیفکیشن سسٹم بھی محدود ہے۔
مکمل مفتناسا کی آفیشل ایپ ہے جو اسپیس مشنز، ISS اور دیگر فلکیاتی تحقیقات پر تازہ ترین خبریں اور معلومات فراہم کرتی ہے۔ اس ایپ میں NASA کے مشنز اور تحقیقات تک رسائی، ISS کی لوکیشن اور لائیو اسٹریمز اور تحقیقی مواد شامل ہے۔ ناسا کے حوالے سے تازہ ترین معلومات کا بہترین ذریعہ ہے لیکن کچھ لوگوں کو اس کا یوزر انٹرفیس کچھ پرانا (Out Dated) سا محسوس ہو سکتا ہے اور بعض اوقات تھوڑا سست کام کرتی ہے۔
مکمل مفتناسا کی آفیشل ایپ ہے جو انٹرنیشنل اسپیس اسٹیشن (ISS) کے آپ کے مقام کے اوپر سے گزرنے کے اوقات، سمت اور بلندی کے بارے میں درست معلومات فراہم کرتی ہے۔ یہ ریئل ٹائم ٹریکنگ، فلائی اوور شیڈول اور خودکار نوٹیفکیشنز بھی مہیا کرتی ہے تاکہ آپ ISS کے مشاہدے کا موقع ضائع نہ کریں۔ اس میں AR موڈ اور بصری راہنمائی کے فیچرز بھی شامل ہیں جو اسپیس اسٹیشن کو آسمان میں تلاش کرنا آسان بنا دیتے ہیں۔ اگر آپ ISS کے مشاہدے میں دلچسپی رکھتے ہیں تو یہ NASA کی سب سے مفید ایپس میں شمار ہوتی ہے۔
مکمل مفتایک زبردست ایپ ہے جو انٹرنیشنل اسپیس اسٹیشن سے براہ راست ویڈیو اسٹریم بھی فراہم کر سکتی ہے۔ اس میں مختلف کیمروں کے اینگلز دستیاب بھء ہیں اور ISS کی موجودہ پوزیشن بھی دکھاتی ہے۔ تاہم بعض اوقات لائیو فیڈ بند ہو سکتی ہے اور تیز انٹرنیٹ کنکشن ضروری ہے۔
مکمل مفتان لوگوں کے لئے بہترین ہے جو SpaceX کے Starlink سیٹلائٹس کی معلومات حاصل چاہتے ہیں۔ یہ آپ کے مقام کے مطابق درست وقت بتاتی ہے جب آپ Starlink کی قطار دیکھ سکتے ہیں اور نوٹیفکیشن بھی فراہم کر سکتی ہے۔
مکمل مفتیہ ایپ نہ صرف ISS بلکہ دیگر سیٹلائٹس کی بھی ریئل ٹائم لوکیشن دکھاتی ہے اور سیٹلائٹس کے مدار کی تفصیلات فراہم کرنے کے ساتھ ساتھ مختلف اسپیس مشنز کے بارے میں اپڈیٹس بھی دیتی ہے۔ اس میں آپ پاکستانی سیٹلائٹس کے حوالے سے بھی معلومات حاصل کر سکتے ہیں۔
مکمل مفتایک مخصوص فلکیاتی ایپ ہے جو انٹرنیشنل اسپیس اسٹیشن (ISS) کے سورج، چاند یا دیگر سیاروں کے سامنے سے گزرنے (transit) کے وقت اور مقام کی پیش گوئی کرتی ہے۔ یہ آپ کے موجودہ مقام یا کسی بھی منتخب جگہ کے لیے درست ٹرانزٹ کا وقت، زاویہ اور راستہ فراہم کرتی ہے جو فوٹوگرافی اور مشاہدے کے لیے انتہائی مفید ثابت ہو سکتی ہے۔ ایپ میں نقشے اور تفصیلی ڈیٹا موجود ہوتا ہے اور یہ آنے والے ٹرانزٹس کے بارے میں الرٹس بھی دیتی ہے۔ تاہم، اس میں عمومی ISS پاسز کے بارے میں معلومات کشھ کلومیٹرز کے اندر اندر ظاہر ہوتی ہیں اور تھوڑی بہت غیر یقینی کی وجہ سے اس ایپ سے حاصل شدہ معلومات کو ISS Transit Finder ویب سائٹ سے مزید کنفرم کرنا مفید ہے۔ اگر آپ ISS کے سورج یا چاند کے سامنے سے گزرنے کے یادگار لمحات کو کیمرے میں محفوظ کرنا چاہتے ہیں تو یہ ایک بہترین ایپ ہے۔
مکمل مفتایک جامع فلکیاتی ایپ ہے جو چاند کے مراحل، سورج اور سیاروں کی پوزیشن، چاند گرہن اور دیگر فلکیاتی مظاہر کے بارے میں معلومات فراہم کرتی ہے۔ اس میں آف لائن موڈ بھی دستیاب ہے اور اشتہارات بھی نہیں آتے۔ تاہم اس کا یوزر انٹرفیس کچھ صارفین کے لیے پیچیدہ ہو سکتا ہے۔
مکمل مفتایک سادہ ایپ ہے جو چاند کے مراحل کو خوبصورت اور آسان یوزر انٹرفیس میں پیش کرتی ہے۔ یہ بیٹری بھی کم استعمال کرتی ہے لیکن اس میں زیادہ تفصیلی فلکیاتی ڈیٹا موجود نہیں ہے۔
مکمل مفتایک زبردست ایپ ہے جو موسم کے حالات، بادلوں کی مقدار، ہوا کی رفتار، نمی، اور خصوصاً نوری آلودگی کے بارے میں تفصیلات فراہم کرتی ہے۔ یہ خاص طور پر فلکیاتی مشاہدات میں راہنمائی کے لئے ڈیزائن کی گئی ہے اور ساری دنیا میں کثرت سے استعمال کی جاتی ہے۔
مکمل مفتایک مفید ایپ ہے جو آنے والے مہینے میں تمام اہم فلکیاتی مظاہر جیسے سیاروں کی ملاقات، چاند گرہن، سورج گرہن، شہابیوں کی بارش، اور دیگر اہم ایونٹس کی تاریخیں اور تفصیلات فراہم کرتی ہے۔
مکمل مفتسن اینڈ مون کیلنڈر چاند، سورج اور مختلف کیلنڈرز کی معلومات کے لیے ایک بہترین اور مکمل طور پر مفت اینڈرائیڈ ایپ ہے۔ اس میں عیسوی اور ہجری سمیت متعدد کیلنڈرز دیکھنے کی سہولت موجود ہے۔ اس ایپ کے ذریعے آپ نماز کے اوقات، قبلہ کی درست سمت (2D اور 3D قطب نما کے ساتھ)، سورج اور چاند کے طلوع و غروب کا وقت، چاند کی مختلف حالتیں اور نیا چاند (ہلال) دیکھنے سے متعلق تفصیلات آسانی سے حاصل کر سکتے ہیں۔ اس کے علاوہ اس میں کسوف و خسوف (سورج اور چاند گرہن)، موسموں کی تبدیلی، دنیا پر دن اور رات کا نقشہ اور فلکیاتی معلومات کو گراف یا فائل کی صورت میں سیو کرنے کے آپشنز بھی دیے گئے ہیں۔
مکمل مفتایک بہترین ایپ ہے جو چاند کی سطح کے تفصیلی نقشے اور مختلف فیچرز جیسے کہ گڑھوں، پہاڑوں اور دیگر جغرافیائی خصوصیات کے بارے میں معلومات فراہم کرتی ہے۔
مکمل مفتایک جامع فلکیاتی موسمیاتی ایپ ہے جو آسمانی مشاہدات کے لیے موزوں حالات کا اندازہ لگانے میں مدد دیتی ہے۔ یہ بادلوں کی مقدار، فضائی شفافیت، نگاہ کی موزونیت، نوری آلودگی، سیٹلائٹ تصاویر اور موسمی پیش گوئیوں کے ساتھ ساتھ چاند، سیاروں اور مصنوعی سیاروں کے طلوع و غروب کے اوقات بھی فراہم کرتی ہے۔ اس میں آنے والے فلکیاتی واقعات کی فہرست اور فلکیات سے متعلق ایک آن لائن کمیونٹی بھی شامل ہے۔ اگرچہ اس کا یوزر انٹرفیس نسبتاً سادہ ہے لیکن مشاہداتی فلکیات اور فلکیاتی فوٹوگرافی کے شوقین افراد کے لیے یہ ایک مفید منصوبہ بندی کا آلہ ثابت ہو سکتی ہے۔
مکمل مفتایک مفت اور اوپن سورس فلکیاتی پروگرام ہے جو شمسی نظام، قریبی ستاروں اور ہماری کہکشاں کے متعدد اجسام کو تھری ڈی انداز میں دریافت کرنے کی سہولت دیتا ہے۔ اس میں آپ کسی بھی سیارے، چاند یا ستارے کے قریب جا کر اسے مختلف زاویوں سے دیکھ سکتے ہیں اور وقت کو آگے یا پیچھے لے جا کر فلکیاتی حرکات کا مشاہدہ بھی کر سکتے ہیں۔ اگرچہ اس کے گرافکس جدید تجارتی پروگراموں جتنے شاندار نہیں لیکن یہ مکمل طور پر مفت ہے اور تعلیمی مقاصد کے لیے ایک بہترین انتخاب سمجھا جاتا ہے۔
مکمل مفتایک متاثر کن تھری ڈی 3D فلکیاتی ایپ ہے جو صارف کو ہماری کہکشاں اور دور دراز ستاروی نظاموں میں ورچوئل سفر کرنے کی سہولت دیتی ہے۔ اس میں لاکھوں ستاروں، ہزاروں ایکسوپلینیٹس، بلیک ہولز اور دیگر فلکیاتی اجسام کا وسیع ڈیٹا بیس موجود ہے۔ آپ مختلف ستاروں اور سیاروں کا قریب سے مشاہدہ کر سکتے ہیں اور ان کے بارے میں تفصیلی معلومات حاصل کر سکتے ہیں۔ یہ ایپ SpaceEngine سے کافی مشابہت رکھتی ہے اور اینڈرائیڈ صارفین کے لیے کائنات کو تھری ڈی انداز میں دریافت کرنے کا بہترین ذریعہ ہے۔ تاہم اس کے کچھ جدید فیچرز نسبتاً طاقتور پروسیسر والے موبائل فون کا تقاضا کرتے ہیں اور اس ایپ کے استعمال کے دوران بیٹری کا استعمال بھی کافی زیادہ بڑھ سکتا ہے۔
مکمل مفتایک نہایت مقبول خلائی گیم ہے جس میں آپ مختلف سیاروں پر شہابیوں، لیزرز، بلیک ہولز، سپرنووا دھماکوں اور دیگر فرضی یا سائنسی ہتھیاروں کے اثرات کا مشاہدہ کر سکتے ہیں۔ اس کے تھری ڈی گرافکس انتہائی شاندار ہیں اور سیاروں کی تباہی کے مختلف منظرنامے دیکھنے کا موقع فراہم کرتے ہیں۔ یہ گیم تفریح کے لیے بہترین ہے لیکن اس میں دکھائے گئے بہت سے اثرات مکمل طور پر سائنسی حقیقت کی نمائندگی نہیں کرتے اور اسے تعلیمی سمیولیٹر کے بجائے تفریحی گیم سمجھنا چاہیے۔
مکمل مفتیہ ایک سادہ مگر مفید سمیولیشن گیم ہے جو نظامِ شمسی کے سیاروں، چاندوں اور دیگر اجسام کی حرکات کو تھری ڈی انداز میں دکھاتی ہے۔ اس میں آپ مختلف سیاروں کے مدار، کمیت اور دیگر خصوصیات تبدیل کر کے نتائج کا مشاہدہ کر سکتے ہیں جس سے کششِ ثقل اور مداری حرکیات کو سمجھنے میں مدد ملتی ہے۔ یہ طلبہ اور فلکیات کے شوقین افراد کے لیے خاصی مفید ثابت ہو سکتی ہے لیکن اس کے گرافکس اور فیچرز بعض جدید فلکیاتی سمیولیٹرز کے مقابلے میں محدود ہیں۔
مکمل مفتناسا کی تیار کردہ ایک تعلیمی اسٹریٹجی گیم ہے جس میں آپ اپنے خلائی پروگرام کا انتظام کرتے ہیں اور فیصلہ کرتے ہیں کہ کن سائنسی تحقیقات، خلائی منصوبوں اور تحقیقی سرگرمیوں کے لیے بجٹ مختص کیا جائے۔ اسپیس اسٹیشن پر ہونے والی تحقیق مستقبل کے منصوبوں کو متاثر کرتی ہے جبکہ مختلف واقعات اور فیصلے آپ کے پروگرام کی کامیابی یا ناکامی میں اہم کردار ادا کرتے ہیں۔ یہ گیم خلائی تحقیق، سائنسی منصوبہ بندی اور بجٹ مینجمنٹ کے تصورات کو دلچسپ انداز میں پیش کرتی ہے، تاہم اس میں ایکشن کے بجائے حکمت عملی اور فیصلہ سازی پر زیادہ توجہ دی گئی ہے۔
مکمل مفتناسا کی ایک تعلیمی سمیولیشن گیم ہے جو صارف کو مائیکرو گریوٹی یا تقریباً بے وزنی کے ماحول میں کام کرنے کا تجربہ فراہم کرتی ہے۔ اس میں آپ کو انٹرنیشنل اسپیس اسٹیشن سے متعلق مختلف مشنز اور ذمہ داریاں انجام دینی ہوتی ہیں جبکہ خلاء میں حرکت، سمت کا تعین اور روزمرہ کام زمین کے مقابلے میں کہیں زیادہ مشکل محسوس ہوتے ہیں۔ یہ گیم انسانی خلائی پرواز کے عملی چیلنجز کو سمجھنے میں مدد دیتی ہے اور خاص طور پر ان افراد کے لیے دلچسپ ہے جو جاننا چاہتے ہیں کہ خلا میں کام کرنا حقیقت میں کیسا محسوس ہوتا ہے۔
مفت ورژن کے ساتھ ایسی ایپس جن کے اضافی فیچرز ادائیگی، سبسکرپشن یا اشتہارات پر مشتمل ہیں۔
فری مِیئمایک فلکیاتی ایپ ہے جو آسمان کا حقیقت سے قریب تر منظر دکھاتے ہوئے ستاروں، سیاروں اور کہکشاؤں کی شناخت میں مدد دیتی ہے۔ اس میں 1.5 ملین سے زائد ستاروں کا ڈیٹا موجود ہے اور انتہائی قابل بھروسہ ایپ ہے۔ اسے اپنے موبائل میں انسٹال کر کے موبائل کا رخ آسمان کی جانب کریں گے تو یہ اس وقت اسمان پر موجود تمام اجسام کے نام اور پوزیشن ظاہر کر دے گی۔ اس ایپ کا مفت ورژن بھی بے حد مفید ہے جبکہ کچھ فیچرز صرف پیڈ ورژن میں دستیاب ہیں لیکن پیڈ فیچرز کی ضرورت صرف پروفیشنل لیول پر ہی جا کر محسوس ہوتی ہے۔
فری مِیئمفلکیاتی اجسام کے بارے میں اینیمیشنز، آڈیو گائیڈ اور تفصیلی معلومات فراہم کرتی ہے۔ اس کا جدید یوزر انٹرفیس، AR موڈ اور تعلیمی مواد اسے نمایاں بناتا ہے لیکن کچھ فیچرز پیڈ ورژن میں دستیاب ہیں اور مفت ورژن میں اشتہارات (ads) بھی دیکھنے کو ملتے ہیں۔
فری مِیئمتھر ڈی 3D ماڈل کے ذریعے شمسی نظام اور اس کے اجسام کے بارے میں تفصیلی معلومات فراہم کرتی ہے۔ اس کے زبردست 3D گرافکس کی بدولت یہ ایپ شوقیہ طور پر معلوماتی اور پیشہ ورانہ یا تعلیمی مقاصد کے لئے بھی استعمال کی جا سکتی ہے۔ تاہم اس میں کچھ فیچرز کے لیے سبسکرپشن درکار ہے اور جیسا کہ نام سے ظاہر ہے کہ یہ ایپ سولر سسٹم کی معلومات کے لئے بہترین ہے لیکن ڈیپ اسپیس آبجیکٹس کا ڈیٹا نہ ہونے کے برابر ہے۔
فری مِیئمایک سادہ ایپ ہے جو ستاروں اور کنسٹلیشنز کو تلاش کرنے میں مدد دیتی ہے۔ یہ نسبتاً ہلکی، بیٹری فرینڈلی ایپ ہے اور بغیر انٹرنیٹ کے بھی کام کرتی ہے لیکن اس میں تفصیلی معلومات کی کمی ہے اور مفت ورژن میں اشتہارات بھی شامل ہیں۔
فری مِیئمانٹرنیشنل اسپیس اسٹیشن (ISS) اور دیگر سیٹلائٹس کے گزرنے کا وقت اور ان کی لوکیشن بتاتی ہے۔ یہ درست پیش گوئی، ریئل ٹائم نوٹیفکیشنز، اور Starlink و Hubble ٹیلی اسکوپ کی ٹریکنگ بھی فراہم کرتی ہے۔ تاہم اس کی مفت ورژن میں ایڈز شامل ہیں اور چونکہ یہ موسم کی خرابی کی معلومات نہیں دیتی لہٰذا موسم کی خرابی کی صورت میں بعض اوقات پیش گوئی کے مطابق سیٹلائٹ نظر نہیں آئے گا۔ اس کے بعض اضافی فیچرز کے لیے پیڈ یا پرو ورژن بھی درکار ہوگا۔
فری مِیئمایک بہترین جامع فلکیاتی ایپ ہے جو چاند، سیاروں، ستاروں اور دیگر اجسام حتیٰ کہ کامیٹس وغیرہ کے بارے میں تفصیلی معلومات فراہم کرتی ہے۔ اس میں آنے والے مہینے میں فلکیاتی واقعات کے بارے میں بہت تفصیلی اور درست معلومات دستیاب ہوتی ہیں۔ اگرچہ مفت ورژن بھی قابل استعمال ہے لیکن اس کا پیڈ ورژن زیادہ مفید ہے۔
فری مِیئمایک بہترین فلکیاتی ایپ ہے جو آسمان کے مشاہدے کے لیے موزوں وقت اور اس وقت کے دوران موجود آسمانی اجسام کی تفصیلات فراہم کرتی ہے اور موسم، روشنی کی آلودگی اور چاند کی روشنی کو مدنظر رکھتے ہوئے بہترین مشاہداتی وقت کی پیش گوئی کرتی ہے۔ یہ چاند، سورج اور سیاروں کے طلوع اور غروب کے اوقات بھی بتاتی ہے۔ اس کا آف لائن موڈ دور دراز مقامات پر بھی کام کرتا ہے اور یوزر انٹرفیس بھی انتہائی آسان ہے۔ تاہم کچھ فیچرز پیڈ ورژن میں دستیاب ہیں اور اس میں ریئل ٹائم اسٹار چارٹ یا آسمانی نقشہ یا AR موڈ شامل نہیں ہے۔
فری مِیئمایک جدید فلکیاتی موسمیاتی ایپ ہے جو آسمانی مشاہدات کے لیے درکار موسم اور فلکیاتی حالات کی تفصیلی معلومات فراہم کرتی ہے۔ اس میں بادلوں کی مقدار، فضائی شفافیت (Transparency)، نگاہ کی موزونیت (Seeing)، نمی، ہوا کی رفتار، چاند اور سیاروں کے طلوع و غروب کے اوقات اور آئندہ فلکیاتی واقعات کی معلومات دستیاب ہیں۔ اس کے علاوہ نوری آلودگی کا نقشہ، ڈارک اسکائی مقامات کی تلاش اور فلکیاتی تصاویر شیئر کرنے کی سہولت بھی موجود ہے۔ یہ ایپ خاص طور پر فلکیاتی فوٹوگرافی اور دوربین کے ذریعے مشاہدات کی منصوبہ بندی کے لیے مفید ثابت ہو سکتی ہے۔ تاہم بدقسمتی سے اس کے بعض جدید فیچرز صرف اور صرف سبسکرپشن کے ذریعے ہی دستیاب ہیں۔
فری مِیئمایک دلچسپ خلائی سمیولیشن گیم ہے جس میں آپ مختلف سیاروں اور چاندوں کو انسانی رہائش کے قابل بنانے کی کوشش کرتے ہیں۔ اس میں مریخ، زہرہ، عطارد اور نظامِ شمسی کے دیگر اجسام کے ماحول، درجہ حرارت، فضائی دباؤ اور آکسیجن کی مقدار کو تبدیل کر کے مکمل ماحولیاتی نظام تشکیل دیا جا سکتا ہے۔ یہ گیم حقیقی سائنسی تصورات جیسے ٹیرافارمنگ اور سیاروی ارتقا پر مبنی ہے جس کی وجہ سے یہ محض تفریح ہی نہیں بلکہ تعلیمی اہمیت بھی رکھتی ہے۔ تاہم اس میں کئی جدید فیچرز اور اضافی دنیاؤں تک رسائی کے لیے اِن ایپ خریداری درکار ہوتی ہے اور بعض مراحل کافی وقت لیتے ہیں۔
فری مِیئمایک متاثر کن خلائی سمیولیٹر ہے جو صارف کو کششِ ثقل، سیاروی تصادمات، سپرنووا دھماکوں اور یہاں تک کہ کہکشاؤں کے باہمی تعاملات کا مشاہدہ کرنے کی سہولت دیتا ہے۔ اس میں آپ مختلف ستاروں، سیاروں اور دیگر فلکیاتی اجسام کو شامل کر کے اپنی مرضی کے خلائی منظرنامے تشکیل دے سکتے ہیں اور ان کے نتائج کو حقیقی وقت میں دیکھ سکتے ہیں۔ اس کے تھری ڈی گرافکس اور فزکس سمیولیشن اسے Solar Smash اور Universe Sandbox سے مشابہ بناتے ہیں جبکہ تعلیمی اعتبار سے بھی کافی مفید ہے۔ تاہم بعض جدید فیچرز کے لیے اِن ایپ خریداری درکار ہوتی ہے اور پرانے موبائل فونز پر کارکردگی متاثر ہو سکتی ہے۔
فری مِیئمایک دلچسپ خلائی سمیولیشن گیم ہے جو صارف کو اپنا نظامِ شمسی، ستاروی نظام یا حتیٰ کہ ایک مکمل کہکشاں تخلیق کرنے کی سہولت دیتی ہے۔ اس میں آپ سیاروں، ستاروں اور دیگر فلکیاتی اجسام کی حرکات، تصادمات اور کششِ ثقل کے اثرات کا مشاہدہ کر سکتے ہیں اور مختلف کائناتی منظرناموں کے ساتھ تجربات بھی کر سکتے ہیں۔ اس کے تھری ڈی گرافکس اور فزکس سمیولیشن اسے Universe Sandbox سے مشابہ بناتے ہیں جبکہ یہ اینڈرائیڈ صارفین کے لیے نسبتاً زیادہ آسانی سے دستیاب ہے۔ تاہم بعض جدید فیچرز کے لیے اِن ایپ خریداری درکار ہوتی ہے اور پرانے موبائل فونز پر کارکردگی متاثر ہو سکتی ہے۔
فری مِیئمایک نہایت مقبول خلائی سمیولیشن گیم ہے جس میں آپ اپنے راکٹ خود ڈیزائن کر کے انہیں خلا میں روانہ کر سکتے ہیں۔ اس میں حقیقت سے قریب تر راکٹ فزکس، مداری حرکیات اور سیاروی پیمانے استعمال کیے گئے ہیں جس کی بدولت آپ زمین کے مدار تک پہنچنے، چاند یا مریخ پر لینڈنگ کرنے اور مختلف خلائی مشنز انجام دینے کی کوشش کر سکتے ہیں۔ یہ گیم تفریح کے ساتھ ساتھ بنیادی خلائی انجینئرنگ اور مداری حرکیات کو سمجھنے میں بھی مدد دیتی ہے۔ تاہم کامیاب مشنز کے لیے صبر اور سیکھنے کی ضرورت ہوتی ہے اور بعض اضافی پرزے اور فیچرز اِن ایپ خریداری کے ذریعے دستیاب ہیں۔
ایسی اینڈرائیڈ ایپس جنہیں استعمال کرنے کے لیے مکمل ادائیگی یا سبسکرپشن درکار ہے۔
مکمل ادائیگیایک جدید ایپ ہے جو نہ صرف آسمان پر موجود اجسام، ستاروں اور سیاروں کی پوزیشن بتاتی ہے بلکہ دیگر مفید معلومات مثلاً طلوع و غروب کے اوقات وغیرہ جاننے میں مدد دیتی ہے۔ اس میں وسیع ڈیٹا بیس، قریبی اور مستقبل کے فلکیاتی ایونٹس کی تفصیلات بھی موجود ہیں۔ تاہم یہ صرف پیڈ سبسکرپشن میں ہی ملتی ہے اور پیڈ ورژن کافی مہنگا ہے جبکہ یہ کافی زیادہ اسٹوریج میموری بھی استعمال کرتی ہے۔ اسکائی سفاری Star Gazer Guide کے نام سے ایک دوسرے ڈویلپر کی مفت ایپ دستیاب ہے لیکن اس میں کافی کم فیچرز موجود ہیں۔
مکمل ادائیگیاس بات کی پیش گوئی کرتی ہے کہ رات کو آسمان دیکھنے کے لئے حالات موزوں ہیں یا نہیں۔ یہ نہایت آسان اور مفید ایپ ہے لیکن بدقسمتی سے حالیہ اپڈیٹ کے بعد اس کو صرف سبسکرپشن کے بعد ہی استعمال کیا جا سکتا ہے۔
مکمل ادائیگیایک منفرد تھری ڈی 3D ایپ ہے جو ہماری ملکی وے کہکشاں کا تفصیلی نقشہ دکھاتی ہے۔ اس میں ہزاروں ستاروں، نیبولا، ستاروی جھرمٹوں اور دیگر معروف فلکیاتی اجسام کی پوزیشن دیکھی جا سکتی ہے اور آپ کہکشاں کے مختلف حصوں میں ورچوئل سفر بھی کر سکتے ہیں۔ یہ ایپ خاص طور پر ان افراد کے لیے مفید ہے جو یہ سمجھنا چاہتے ہیں کہ ہمارا سورج اور زمین ملکی وے میں کہاں واقع ہیں اور قریبی ستارے کس سمت میں موجود ہیں۔ تاہم یہ مکمل طور پر پیڈ ایپ ہے اور اس کا بنیادی مقصد مشاہداتی فلکیات کے بجائے کہکشانی ساخت کو سمجھنا ہے۔
ایسے فلکیاتی ایپس جو صرف آئی فون، آئی پیڈ اور ایپل واچ کے لیے دستیاب ہیں۔
فری مِیئمایک شاندار فلکیاتی ایپ ہے جو آئی فون اور ایپل واچ میں کام کرتی ہے۔ یہ موجودہ وقت کے مطابق آسمان کو اسکین کرکے معلومات فراہم کرتی ہے اور جدید اینیمیشنز کے ساتھ ڈیٹا دکھاتی ہے، لیکن یہ صرف iOS صارفین کے لیے دستیاب ہے اور سبسکرپشن ورژن مہنگا ہے۔
مکمل مفتیہ آئی فون iOS صارفین کے لئے ایک شاندار ایپ ہے جو ISS کی براہ راست ٹریکنگ ظاہر کرتی ہے۔ اس میں ریئل ٹائم 3D ماڈل، اگلی بار آئی ایس ایس کے گزرنے کے وقت کی تفصیلات اور الرٹس بھی شامل ہیں۔
کمپیوٹر اور پی سی پر چلنے والی فلکیاتی ایپس اور سافٹ ویئر۔
مکمل ادائیگییہ ایک انتہائی طاقتور فلکیاتی سمیولیٹر ہے جو پورے قابل مشاہدہ کائناتی منظرنامے کو تھری ڈی شکل میں دکھا سکتا ہے۔ اس کے ذریعے آپ زمین سے لے کر دور دراز کہکشاؤں، نیبولا، بلیک ہولز اور ایکسوپلینیٹس تک آزادانہ سفر کر سکتے ہیں۔ اس میں حقیقی فلکیاتی ڈیٹا کے ساتھ ساتھ سائنسی بنیادوں پر تیار کردہ فرضی نظام ہائے شمسی بھی شامل ہیں۔ اگرچہ اس کا مکمل ورژن کمپیوٹر کے لیے پیڈ ہے لیکن یہ کائنات کو بصری انداز میں سمجھنے کے لیے دنیا کے بہترین سافٹ ویئرز میں شمار ہوتا ہے۔ موبائل صارفین کے لیے یہ ایپ فی الحال دستیاب نہیں۔